Online Services

Online Passport Application Form (Hindi)

Written by Javed Ali

Online Passport Application Form (Hindi)

online passport application India Me Passport Banwane ke liye bahut se log idhar udhar bhatakte rahte hai, kahi par koi 3000 me to kahi par 5000 Rs ya us se bhi jyada paise lekar Apply karta hai. lekin passport ki jo Appointment book karani hoti hai uska charge keval 1500 Rs hi hai, zo Aakhir wo baaki ke paise kaha jaate hai??
 
Ji Ha Bilkul sahi soch rahe hain aap, wo paise us Passport agent ki jeb me jaate hai jis se aapne Passport banwane ke naam par diya tha. jara sochiye ki agar aap agar khud hi wo form bhar kar apply kar le to kaisa hoga?
 
Agar aap khud se apna passport ka form bharte hai to aapko keval 1500 rs ka payment karna hoga wo bhi apne ATM card se, aapko kisi ke upar dependent bhi nahi rahna padega. “online passport application” aap apna to apply kar hi payenge sath hi sath apne dosto aur rishtedaaro ka bhi passport apply kar ke unke keemti time aur paiso ko bacha sakte hain. 
 

Online passport application

 

Step 1: –  Sabse Pahle Passport India ki official Website ko khole (Click Here)

 

 

Step 2: –  “New User ? Register Nowpar click kare
Step 3: – Aapke samne naya page khul ke aayega usme aap apne Area ka passport office select kare fir aapka Name, Date of birth, Email Id, User Id, Aur Aapko jo Password rakhna hai wo fill kare (User Id Me Aap Apna Email Id bhi Rakh sakte hain). bharne ke baad Captcha image fill karke Register par click kare.
Step 4:- Details bharne ke baad jab aap submit karenge to Aapke Registered email id par ek verification link milega jisko click karne ke baad aapko apna password daalna hai, Password daalte hi aapka account activate ho jayega.
Step 5 :- Account Activate hone ke baad aap apni email id aur password se login kare uske baadApply for Fresh Passport/Re-issue of Passport par click kare aur apni details bhare.
Passport ke appointment ke do tarike hai Normal aur Tatkal.
Normal wale process me 1500 Rs. ka payment karna hota hai me 30 din se 60 din ka time lagta hai aur appointment 6-7 din baad ki milti hai.
Tatkal me form bharne se appointment  1-2 din me hi mil jaata hai aur 15 din ke andar me saare process ho jate hai . is form ka 2000 Rs. Payment karna hota hai.
Step 6 :- Form bharte time ek option aata hai “Is applicant eligible for Non-ECR category?” 
  • Agar applicant ne 10th ya us se adhik ka education kiya hai to yah option me “Yes” par tick karna hai.
  • Agar Applicant ne 10th tak qualification nahi bhi kiya hai aur wo ITR bharta hai to aap “Yes” hi select kare.
  • Applicant 10th pass se kam hai aur ITR (Income Tax) bhi nahi bharta  hai to “No” par tick kare.

 

Step 7 :- Form poora bharne ke baad submit karna hai uske baad “Pay and Schedule Appointment” par click karna hai.

New page me payment gateway khulega, yaha par aapko selesct karna hoga ki aap kis mode se payment karna chahte hain.

Debit Card/ Credit Card, Net Banking aap jis mode se payment karna chahte hai wo select kare aur apna appointment date select karne ke baad payment complete kare.

 

Step 8:- Payment hone ke baad apna application ka aur appointment ka print nikal kar rakhe.

 

Step 9:-  Jis din ka aapko appointment mila hoga aapko us din time se 15 minute pahle waha pahuchna hoga. aur apne sath sabhi documents ke 2-2 Photocopy aur 8 Passport Size photo lekar jana hoga.

 

Step 10:- Documents submit ho jane ke baad kuch dino ke baad aapko police verification ke liye call aayegi aur aapke Address par Police Verification hoga.

 

Step 11:-  Police verification complete ho jane ke baad 30 din ke andar me aapka Passport aapke residence address par deliver ho jayega.

Agar Aapko yah post online passport application accha laga to please isko share kare aur agar koi doubt hai to comment me puch sakte hai. 

About the author

Javed Ali

New Internet, Business Ideas, Business News, Technical News, CSC Help, And Review In Hindi

Leave a Comment